قوستانايدا قۇتقارۋشىلار شاتىردى بۇزىپ جاتقاندا دەنەسٸ جارتىلاي جانسىزدانىپ, قوزعالا الماي قالعان قۇرىلىسشىعا كٶمەكتەستٸ, دەپ حابارلايدى "ۇلت اقپارات" قوستاناي وبلىستىق تجد-نٸڭ باسپاسٶز قىزمەتٸنە سٸلتەمە جاساپ.
قۇتقارۋشىلارعا جەدەل جەردەم قىزمەتكەرلەرٸ تەلەفون شالدى. ولار قالاداعى تۇرعىن ٷيدٸڭ شاتىرىن بۇزۋ جۇمىسىن جٷرگٸزٸپ جاتقان قۇرىلىسشىنىڭ ارقا نەرۆٸنە زاقىم كەلٸپ, سالدارىنان ول ورنىنان قوزعالا الماي قالعانىن حابارلاعان.
«قۇتقارۋشىلار دەرەۋ وقيعا ورنىنا اتتاندى. ولار ٷيدٸڭ ەسكٸ شاتىرىنا شىعىپ, زارداپ شەككەن ەر ادامعا العاشقى كٶمەك كٶرسەتتٸ. الپينيست جابدىقتار, كٶشپەلٸ ساتىنىڭ كٶمەگٸمەن ەر ادامدى تۇرعىن ٷيدٸڭ تٶبەسٸنەن تٶمەنگە تٷسٸرٸپ, جەدەل مەديتسينالىق جەردەم دەرٸگەرلەرٸنە تاپسىردى», - دەپ حابارلادى تجد-دان.
قازٸرگٸ كەزدە زارداپ شەككەن ەر ادام دەرٸگەرلەردٸڭ قاراۋىندا جاتىر, ونىڭ ٶمٸرٸنە ەشقانداي قاۋٸپ تٶنٸپ تۇرعان جوق.
