Foto: ashyq derekkóz
Qostanai oblystyq aýrýhanasynda dárigerge qol kótergen azamatqa qatysty tergeý júrip jatyr, dep habarlaidy Ult.kz.
Aýrýhana ókilderiniń málimetinshe, kúrdeli otadan keiin hirýrg qabyldaý bólimine túsip, kezekpen kelgen naýqastardy qarap jatqan. Alaida bir azamat kezek kútýden bas tartyp, dárigerge qol jumsaǵan. Judyryqtyń saldarynan dáriger esinen tanyp qalyp, aýyr jaǵdaida jansaqtaý bólimine jetkizilgen.
«Qazir oqiǵa boiynsha politsiia tergeý júrgizýde. Bul jai ǵana turmystyq janjal emes, adam ómirin saqtaýǵa bar kúshin salyp júrgen mamandarǵa qarsy baǵyttalǵan qylmys. Biz ádil tergeýdi talap etemiz jáne halyqty meditsina qyzmetkerlerine qurmetpen qaraýǵa shaqyramyz. Dárigerge jasalǵan árbir soqqy – búkil densaýlyq saqtaý salasyna soqqy bolyp tiedi», — dep málimdedi oblystyq aýrýhananyń baspasóz qyzmeti.
