Qostanaida qarý-jaraq dúkenindegi órt kezinde qaza bolǵandar sany tórt adamǵa jetti. Bul týraly QR Bas prokýratýrasynyń baspasóz qyzmeti habarlady.
«3 qyrkúiekte Qostanai qalasynda «Orýjeinaia palata» ańshylyq dúkeni órtendi. Sonyń saldarynan dúkenniń jeti qyzmetkeri zardap shegip, úsheýi kúiik shalyp aýrýhanaǵa jatqyzyldy, al tórteýi qaza tapty», - deidi vedomstvonyń baspasóz qyzmeti.
Eske salaiyq, buǵan deiin Tótenshe jaǵdailar ministrligi atalǵan órtten 2 adamnyń qaitys bolǵanyn habarlaǵan.
Al Bas prokýratýra Qostanai oblysyndaǵy órtterge bailanysty 3 qylmystyq is qozǵady. Atalǵan faktiler boiynsha Qylmystyq kodekstiń 204-babynyń 2-bóligi (otpen abaisyz jumys isteý arqyly aýyr zardaptarǵa ákep soqqan nemese asa iri zalal keltirilgen is-áreket), 341-babynyń 1-bóligi (ormandardy joiý), 292-babynyń 3-bóligi (abaisyzda eki nemese odan da kóp adamnyń ólimine ákep soqqan órt qaýipsizdigi talaptaryn buzý) boiynsha sotqa deiingi tergep-tekserý áreketteri bastaldy.
