قوستانايدا قارۋ-جاراق دٷكەنٸندەگٸ ٶرت كەزٸندە قازا بولعاندار سانى تٶرت ادامعا جەتتٸ. بۇل تۋرالى قر باس پروكۋراتۋراسىنىڭ باسپاسٶز قىزمەتٸ حابارلادى.
«3 قىركٷيەكتە قوستاناي قالاسىندا «ورۋجەينايا پالاتا» اڭشىلىق دٷكەنٸ ٶرتەندٸ. سونىڭ سالدارىنان دٷكەننٸڭ جەتٸ قىزمەتكەرٸ زارداپ شەگٸپ, ٷشەۋٸ كٷيٸك شالىپ اۋرۋحاناعا جاتقىزىلدى, ال تٶرتەۋٸ قازا تاپتى», - دەيدٸ ۆەدومستۆونىڭ باسپاسٶز قىزمەتٸ.
ەسكە سالايىق, بۇعان دەيٸن تٶتەنشە جاعدايلار مينيسترلٸگٸ اتالعان ٶرتتەن 2 ادامنىڭ قايتىس بولعانىن حابارلاعان.
ال باس پروكۋراتۋرا قوستاناي وبلىسىنداعى ٶرتتەرگە بايلانىستى 3 قىلمىستىق ٸس قوزعادى. اتالعان فاكتٸلەر بويىنشا قىلمىستىق كودەكستٸڭ 204-بابىنىڭ 2-بٶلٸگٸ (وتپەن ابايسىز جۇمىس iستەۋ ارقىلى اۋىر زارداپتارعا ەكەپ سوققان نەمەسە اسا ٸرٸ زالال كەلتٸرٸلگەن ٸس-ەرەكەت), 341-بابىنىڭ 1-بٶلٸگٸ (ورمانداردى جويۋ), 292-بابىنىڭ 3-بٶلٸگٸ (ابايسىزدا ەكٸ نەمەسە ودان دا كٶپ ادامنىڭ ٶلٸمٸنە ەكەپ سوققان ٶرت قاۋٸپسٸزدٸگٸ تالاپتارىن بۇزۋ) بويىنشا سوتقا دەيٸنگٸ تەرگەپ-تەكسەرۋ ەرەكەتتەرٸ باستالدى.
