video kadry
Sot Qostanaidaǵy qarý-jaraq dúkeninde bolǵan atyshýly isti qarady, - dep habarlaidy Tengrinews.kz saity.
№2 sotta Qarý-jaraq palatasynyń direktory Sergei Beskrovnyiǵa úkim shyqty. Jarylys kezinde zardap shekkenderdiń arasynda er adam da boldy, onyń denesiniń 50 paiyzyn kúiik shalǵan. Buǵan deiin prokýror bes jylǵa sottaýdy suraǵan bolatyn. Ol Qylmystyq kodekstiń 292-babynyń 3-bóligi "Abaisyzda eki nemese odan da kóp adamnyń ólimine ákep soqqan órt qaýipsizdigi talaptaryn buzý" boiynsha sotqa jiberildi.
"Aiyptalýshy qylmystyq quqyq buzýshylyq jasaǵany úshin kináli dep tanylyp, basshy qyzmetin atqarý quqyǵynan aiyra otyryp, bes jylǵa bas bostandyǵynan aiyrý jáne jazasyn eń tómengi rejimdegi koloniiada óteý jazasyn taǵaiyndaldy", - dep habarlady sýdia Anara Shaimurynova.
Is tórt ai boiy qaraldy. Sottalýshynyń ózi jarylǵysh zattyń bir túri iske qosylǵanyn málimdegen. Qurban bolǵandardyń arasynda "Satýrn" JShS-ne tiesili "qarý-jaraq palatasynyń" qyzmetkerleri bolǵan.
Eske salaiyq, 2022 jyldyń 3 qyrkúieginde Qostanaidaǵy qarý-jaraq dúkeninde jarylystan keiin órt shyqqan bolatyn. Jarylys kórshiles saýda nysandary men turǵyn úilerge de zaqym keltirgen. Qutqarý jumystary 15 saǵatqa sozyldy. Dúkenniń direktory Sergei Beskrovnyi jarylystan keiin aýyr halde jansaqtaý bólimine tústi. Dúkenniń tórt qyzmetkeri qaza taýyp, 11-i jaralandy.
