Qostanai oblystyq aýyl sharýashylyǵy basqarmasynyń laýazymdy tulǵalary 37 mln teńge biýdjet qarajatyn urlaý kúdigine ilikti. Bul týraly QR Sybailas jemqorlyqqa qarsy is-qimyl agenttiginiń apparat basshysy Qýanysh Japaqov onlain-brifing barysynda aitty, dep habarlaidy "Ult aqparat".
«Agenttiktiń Qostanai oblystyq departamenti oblystyq aýyl sharýashylyǵy jáne jer qatynastary basqarmasynyń laýazymdy tulǵalaryna, sondai-aq, Jitiqara jáne Jangeldin aýdandary ákimdikteriniń aýyl sharýashylyǵy bólimderiniń bas mamandaryna qatysty sotqa deiingi tergeýdi bastady», - dedi ol.
Apparat basshysynyń dereginshe, olar jaiylym jáne mal sharýashylyǵyn sýmen qamtamasyz etý boiynsha sharýa qojalyqtarynyń is júzinde oryndamaǵan jumystaryn rastaý arqyly 37 million teńgeden astam memlekettik sýbsidiiany alaiaqtyq jolmen urlaý kúdigine ilingen.
