Qostanaida "Radýga" demalys bazasynda aiý balaǵa shapty. Sot baza iesin kináli dep tanydy, - dep habarlaidy Massaget.kz portaly kstnews.kz saityna silteme jasap.
Basylym málimetinshe, baza iesi 306-baptyń 2-bóliginiń 1-tarmaǵy boiynsha kináli dep tanyldy.
"Kostanaiskie novosti" málimetinshe, byltyr 5 qyrkúiekte baza aimaǵyndaǵy aiý 5 jasar qyzǵa shabýyl jasaǵan bolatyn. Aýyr jaraqat alǵan balanyń oń aiaǵyn kesip tastaýǵa týra keldi.
Jábirlenýshi tarap moraldyq ziiandy óteý retinde 25 million teńge surady. Aleksandr Panin materialdyq shyǵyndy tolyǵymen tóledi. Moraldyq ziiannyń bir bóligi de óteldi - 1,5 million teńge. Sot Panindi kináli dep tanydy jáne oǵan 500 saǵattyq qoǵamdyq jumystardy taǵaiyndady, biraq raqymshylyq boiynsha ol negizgi jazadan bosatyldy.
Zardap shekkenderdiń talap-aryzyn ishinara qanaǵattandyrdy - aiý iesi otbasyna 18,5 million teńge tóleidi. Bul - Qostanaidyń aýdandyq soty qabyldaǵan sheshim, oblystyq sotta sheshim ózgerissiz qaldy.
