Mashina jasaý salasynda 363,7 mlrd teńgeniń ónimi óndirildi. Bul týraly osy óńirdiń ákimi Arhimed Muhambetov málim etti, dep habarlaidy QazAqparat.
«Mashina jasaý salasyna jeke toqtalǵym keledi. Esepti kezeńde munda (jyl basynan) 363,7 mlrd teńgeniń ónimi óndirildi, ósimi - 17,7 paiyz. Avtoónerkásip 2021 jyldyń naýryz aiynan bastap KIA markaly avtomobilderdi qurastyra bastady jáne osy jumys istegen kezeńde 7 863 kólik shyǵarylǵan. Biylǵy shilde aiynda «AvtoVaz» jáne «Renault Rossiia» kompaniialarymen birlesip, LADA avtomobildik jelisiniń jáne Renault avtomobilderiniń óndirisi jolǵa qoiyldy», - dedi A. Muhambetov Ortalyq kommýnikatsiialar qyzmetinde.
Onyń aitýynsha, kásiporyn shaǵyn toraptyq ádispen (CKD) avtomobilder óndirisi jobalaryn ulǵaitýdy josparlap otyr.
Ótken kezeńde «SaryarqaAvtoProm» JShS konveierinen barlyǵy – 44 115 kólik qurastyrylyp, onyń 6 myńnan astamy eksportqa jiberilgen.
