Internet resýrstarǵa monitoring júrgizý barysynda politsiia qyzmetkerleri Qostanai aýdany Tobyl qalasynyń turǵyny dini alaýyzdyqty týyndatý belgileri bar dini mazmundaǵy materialdardy («Vkontakte» áleýmettik jelisi) jariialaǵanyn anyqtady, dep habarlaidy "Ult aqparat" politsiia departamentiniń baspasóz qyzmetine silteme jasap.
«Júrgizilgen saraptama qorytyndysy boiynsha Qostanai aýdanynyń soty ákimshilik quqyq buzýshylyq týraly kodekstiń 453-baby 2-bóligi boiynsha 70 AEK kóleminde aiyppul túrinde jaýapkershilikke tartty», – dep habarlady vedomstvodan.
Jyl basynan beri dini qatynastar salasynda barlyǵy 11 zań buzýshylyq anyqtaldy. Dini jáne ekstremistik mazmundaǵy materialdardy zańsyz saqtaýdyń, taratýdyń, sondai-aq jarǵydan tys dini jáne qoǵamdyq birlestikterdiń qyzmetin júzege asyrýdyń 8 faktisi boiynsha oblys sottary jalpy somasy 1 mln teńgege jýyq aiyppul túrinde zań buzýshylardy jaýapkershilikke tartty.
Qostanai oblysy PD ekstremizmge qarsy is-qimyl basqarmasy óńir turǵyndaryna kúmándi Internet-saittar men toptardan alynǵan dini mazmundaǵy materialdardy saqtamaýdy jáne taratpaýdy suraidy.
