Búgin oblys ákimi Arhimed Muhambetovtiń tóraǵalyǵymen koronavirýstyq infektsiianyń paida bolýy men taralýyna jol bermeý jónindegi Shtabtyń shuǵyl otyrysyn ótti, dep habarlaidy "Ult aqparat" oblys ákiminiń áleýmettik jelidegi paraqshasyna silteme jasap.
Shtab otyrysy barysynda jaýapty memlekettik organdardyń basshylary Arhimed Muhambetovke óńirdegi qazirgi jaǵdaidy baiandady.
«Barlyq qajetti sanitarlyq-epidemiologiialyq is-sharalar ótkizilýde.
Keńes qorytyndysy boiynsha koronavirýstyq infektsiiaǵa jol bermeý sharalaryn kúsheitý týraly sheshim qabyldadyq. Sondai-aq, 31 naýryzda saǵat 22.00-den bastap 10 ótkizý beketin qoia otyryp, Qostanai oblysynyń aýmaǵyna kirýge shekteý engiziledi»,- dep jazdy óńir basshysy.
Buǵan deiin Qaraǵandy oblysynyń birneshe qalasy karantinge jabylatynyn habarladyq.
