7 tamyz tańerteń joǵalyp ketken bes jasar Mádina Erlanqyzyn keshki ýaqytta izdestirý úshin deltaplan jumyldyryldy. Bul týraly Ishki ister ministrliginiń baspasóz qyzmeti málimdedi, - dep habarlaidy Tengrinews.kz.
Deltaplandy qostanailyq kompaniialardyń biriniń basshysy Sergei Homenko qamtamasyz etti. Onyń kompaniiasy oblystaǵy aviatsiialyq-himiialyq jumystarmen ainalysady.
"Maǵan Qostanai oblysynda joǵalǵan balany izdestirý jumystary júrip jatqany týraly habarlanǵan boida óz kómegimdi usynǵym keldi. Deltaplan joǵalǵant adamdy izdestirý jumystarynda tiimdi", - deidi Sergei.
Vedomstvonyń málimetinshe, iz-túzsiz joǵalǵan adamdardy izdeýde deltaplandardyń birneshe ret paidasy bolǵan.
Madina 1000 gektardan asa aýmaqta izdestirilip jatyr.
"Izdeý jumystary egistik alqaptary arqyly jáne Tobyl ózeniniń arnasy boiymen júzege asyrylyp jatyr. 500-den asa azamat eriktiler qataryna qosyldy. Izdeý jumystaryna kásiporyndar men uiymdardyń basshylary kómek kórsetti", - delingen habarlamada.
