Sýret: t.me/POLICE_of_KZ
Qostanai oblysyndaǵy tas jolda jol apatynan 4 adam ajal qushty, dep habarlaidy "Ult aqparat" Polisia.kz Telegram-arnasyna silteme jasap.
24 tamyzda Qarabutaq - Qostanai tas jolynyń 495-shaqyrymynda Toyota shaǵyn avtobýsynyń júrgizýshisi býldozermen soqtyǵysqan. Jol-kólik oqiǵasy saldarynan júrgizýshi men úsh jolaýshy oqiǵa ornynda kóz jumdy. Úsh jolaýshy Rýdnyi qalasynyń aýrýhanasyna jatqyzyldy. Avtokólik Jitiqaradan Qostanaiǵa bara jatqan.
"Júrgizýshi jol qozǵalysy erejelerin óreskel buzyp, birqatar jol belgilerin elemei, jol qozǵalysy úshin jabyq tehnologiialyq ýchaskege barǵany anyqtaldy.
QR QK-niń 345-babynyń 4-bóligi boiynsha "Eki jáne odan da kóp adamnyń ólimine ákep soqqan JQE buzý" boiynsha sotqa deiingi tergeý bastaldy. Qajetti tergeý áreketteri júrgizilip jatyr" - delingen habarlamada.
