Qostanai oblysynda politsiiadan úsh jyl jasyrynǵan nigeriialyq ustaldy, - dep habarlaidy Tengrinews.kz.
Tártip saqshylarynyń aitýynsha, Nigeriia azamaty úsh jyldan asa ýaqyt boiy politsiiadan jasyrynyp kelgen. Osy ýaqyt ishinde shetel azamaty elden shyǵarý týraly sot sheshimin oryndamai, Qazaqstannyń ártúrli qalalarynda jasyrynyp júrgen.
"Qostanai qalasynyń ákimshilik quqyqbuzýshylyq isteri jónindegi mamandandyrylǵan soty oǵan qatysty júrip-turý bostandyǵyn shekteýdiń aldyn alý sharalaryn bekitti. Er adam odan ári májbúrlep shyǵarý úshin arnaiy ýaqytsha ustaý izoliatoryna qamaldy", - delingen habarlamada.
Oblystyq kóshi-qon qyzmeti departamentiniń basshysy Qairat Dútpaevtyń aitýynsha, er adamǵa biletter oblystyq biýdjetten bólingen qarajatqa Almatydan Dohaǵa áýekóligimen satyp alynǵan.
"Politsiia qyzmetkerleri sheteldik quqyq buzýshyny Almaty áýejaiyna deiin shyǵaryp saldy", - deidi oblystyq DPD Kóshi-qon qyzmeti basqarmasynyń basshysy Qairat Dútpaev.
Zań buzýshyǵa elge kirýge bes jylǵa zańmen tyiym salynǵany atap ótildi.
