قوستاناي وبلىسىندا پوليتسييادان ٷش جىل جاسىرىنعان نيگەرييالىق ۇستالدى, - دەپ حابارلايدى Tengrinews.kz.
تەرتٸپ ساقشىلارىنىڭ ايتۋىنشا, نيگەرييا ازاماتى ٷش جىلدان اسا ۋاقىت بويى پوليتسييادان جاسىرىنىپ كەلگەن. وسى ۋاقىت ٸشٸندە شەتەل ازاماتى ەلدەن شىعارۋ تۋرالى سوت شەشٸمٸن ورىنداماي, قازاقستاننىڭ ەرتٷرلٸ قالالارىندا جاسىرىنىپ جٷرگەن.
"قوستاناي قالاسىنىڭ ەكٸمشٸلٸك قۇقىقبۇزۋشىلىق ٸستەرٸ جٶنٸندەگٸ مامانداندىرىلعان سوتى وعان قاتىستى جٷرٸپ-تۇرۋ بوستاندىعىن شەكتەۋدٸڭ الدىن الۋ شارالارىن بەكٸتتٸ. ەر ادام ودان ەرٸ مەجبٷرلەپ شىعارۋ ٷشٸن ارنايى ۋاقىتشا ۇستاۋ يزولياتورىنا قامالدى", - دەلٸنگەن حابارلامادا.
وبلىستىق كٶشٸ-قون قىزمەتٸ دەپارتامەنتٸنٸڭ باسشىسى قايرات دٷتپاەۆتىڭ ايتۋىنشا, ەر ادامعا بيلەتتەر وبلىستىق بيۋدجەتتەن بٶلٸنگەن قاراجاتقا الماتىدان دوحاعا ەۋەكٶلٸگٸمەن ساتىپ الىنعان.
"پوليتسييا قىزمەتكەرلەرٸ شەتەلدٸك قۇقىق بۇزۋشىنى الماتى ەۋەجايىنا دەيٸن شىعارىپ سالدى", - دەيدٸ وبلىستىق دپد كٶشٸ-قون قىزمەتٸ باسقارماسىنىڭ باسشىسى قايرات دٷتپاەۆ.
زاڭ بۇزۋشىعا ەلگە كٸرۋگە بەس جىلعا زاڭمەن تىيىم سالىنعانى اتاپ ٶتٸلدٸ.
