Búgin tańerteń Qarabalyq aýdanyndaǵy Qarttar jáne múgedekter úiinde órt bastaldy. Qostanai oblysynyń tótenshe jaǵdailar departamenti oqiǵaǵa qatysty túsinikteme berdi, dep habarlaidy QazAqparat.
Qarabalyq aýdandyq basylymynyń habarlaýynsha, qarttar jáne múgedekter úiiniń turǵyndary mektep janyndaǵy «Jas talap» internatynda ornalastyrylyp jatyr.
Al erekshe kútimge muqtaj adamdar aýdandyq aýrýhanaǵa jatqyzyldy.
Órt týraly tańǵy 7:30-da habar keldi. Órt sóndirýshiler oqiǵa ornyna kelip jetkende ǵimarattyń shatyry qatty janyp jatqan.
«Qarabalyq aýdandyq Qarttar jáne múgedekter úiinen 51 adam evakýatsiialandy. Bul – oblysymyzdyń múgedektigi bar 13 adam men 38 qariia», - dep baiandady oblystyq TJD bastyǵy Birjan Kárimov.
Órtten zardap shekkender joq. Onyń shyǵý sebepteri ázirge belgisiz.
Órt sóndirýshiler oqiǵa ornynda áli jumys istep jatyr.
