Qostanai oblysynyń memlekettik bas sanitar dárigeriniń qaýlysymen 1 shildeden bastap, karantin rejimi kúsheitildi, – dep habarlaidy «Ult aqparat».
Qostanai oblysynyń memlekettik bas sanitar dárigeri Vladimir Nechitailonyń qaýlysyna sáikes, búginnen bastap oqý fakýltativteriniń, bilim berý ortalyqtarynyń, úiirmelerdiń jumysy toqtatylady. Sondai-aq otbasylyq is-sharalardy ótkizýge ýaqytsha tyiym salyndy. Saiabaqtarǵa, alańdarǵa, skverlerge, jaǵalaýlarǵa 3 adamnan artyq jinalýǵa bolmaidy. Al, otbasy múshelerine 2 metrden kem emes áleýmettik qashyqtyqty saqtap barýlaryna bolady.
«Turǵyndarǵa kóshede betperde kiiý usynylady, bul rette dúkenderde, dárihanalarda, densaýlyq saqtaý uiymdarynda, qoǵamdyq kólikte, keńselerde, kásiporyndarda jáne menshiktiń barlyq nysanyndaǵy basqa da obektiler, adamdar kóp jinalatyn oryndarǵa betperde kiiý mindetteledi. Oblystyń eldi mekenderi arasynda saiajai ýchaskelerine barý úshin eldi mekenge kirýge / ketýge ruqsat etilgen. Jeke, qyzmettik, qoǵamdyq qalaaralyq avtokólikti jáne taksidi shekteýsiz, mindetti túrde maskalardy alyp júrýge jáne taksi júrgizýshileriniń teri antiseptikterin, qoǵamdyq kólikti paidalanýǵa ruqsat etilgen. Respiratorlyq infektsiianyń alǵashqy simptomdary (muryn bitelý, jótel, temperatýra jáne t. b.) paida bolǵan kezde meditsinalyq uiymdarǵa barmai, jedel meditsinalyq járdemdi 103 nómiri boiynsha úige shaqyrý arqyly dereý meditsinalyq kómekke júginý qajet. Úi karantinindegiler «SmartQOSTANAI» mobildi qosymshasy arqyly «men úi karantinindemin» fýnktsiiasyn qosýy tiis. Kásipkerlik sýbektileri men uiymdar menshik nysanyna qaramastan № 43 BMSDQ qosymshasyna sáikes, karantindik jáne shekteý is-sharalaryn qatań saqtaýy tiis, jumysyna ruqsat etilgen obektiler kúsheitilgen sanitariialyq-dezinfektsiialyq rejimge kóshedi», delingen Qostanai oblysynyń memlekettik bas sanitar dárigeriniń qaýlysynda.
Sonymen qatar HQKO-lar onlain rejiminde qyzmet kórsetýge kóshti. Jumys ýaqyty saǵat 10:00-den 18:00-ge deiin. Sulýlyq salondarynyń, shashtarazdardyń, barbershoptardyń jumysy da 10:00-den 18:00-ge deiin tek aldyn ala jazylý boiynsha júrgiziledi. «Tobyl» fýtbol klýby qatysatyn QR Chempionatynyń ótkizilýine ruqsat etilgen. Sporttyq-buqaralyq sharalardyń basqasyna ýaqytsha tyiym salyndy.
