Qostanai oblysynda elektr energiiasy baǵalaryn ósirý boiynsha kópshilik jiyn ótkizý josparlanyp otyr. Bul týraly Tabiǵi monopoliialardy retteý komitetiniń saitynda habarlandy, dep jazady QazAqparat.
«Elektr energiiasy baǵalaryn ósirý «Sevkazenergo» AQ-nyń elektr energiiasyn satyp alýǵa jumsaityn shyǵyndardyń artýymen, sondai-aq elektr energiiasyn jeliler boiynsha jiberý jáne úlestirý tarifiniń ósýimen bailanysty. Osyǵan bailanysty, «Qostanai Energiia Ortalyǵy» JShS Qazaqstan Respýblikasy Ulttyq ekonomika ministrliginiń Tabiǵi monopoliialardy retteý komiteti Qostanai oblysy boiynsha departamentine 2022 jyldyń 1 qańtarynan bastap elektr energiiasynyń shekti baǵasyn aldaǵy ósirý týraly habarlandyrýyn jiberdi», - delingen habarlamada.
Osyǵan bailanysty, Qazaqstan Respýblikasy Ulttyq ekonomika ministrliginiń Tabiǵi monopoliialardy retteý komiteti Qostanai oblysy boiynsha departamenti 2021 jyldyń 14 jeltoqsan kúngi saǵat 15:00-de qoǵamdyq mańyzy bar sýbekt «Qostanai Energiia Ortalyǵy» JShS-niń elektr energiiasyn (elektrmen jabdyqtaý) bólshek saýdalaý qyzmetiniń shekti baǵalary jobasyn qarastyrýdy josparlap otyr.
Kópshilik tyńdaýǵa májilis depýtattary, jergilikti ózin ózi basqarý organdary, memlekettik organ, qoǵamdyq uiymdardyń ókilderi, táýelsiz sarapshylar, buqaralyq aqparat quraldary, tutynýshylar jáne múdde tanytqan basqa da tulǵalar shaqyrylady.
