Qostanai oblysynda sý tasqynynan tónetin qater kóp, dep habarlaidy «Habar 24».
Aimaqta segiz myńdai adam turatyn 96 eldi meken sý astynda qalýy múmkin. Osy rette qutqarýshylardyń dispetcherlik qyzmeti táýlik boiy jumys isteidi. Tótenshe jaǵdai bola qalsa, arnaiy tehnikalar da saqadai-sai tur.
Qar mólsheri kóp túsken Meńdiqara, Qarabalyq, Qarasý, Sarykól aýdandaryna tórt sý aidaý tehnikasy men motopompa jumyldyrý kózdelgen. Oblys aýmaǵynan búginde jarty million tekshe metr qar poligonǵa shyǵarylǵan.
Al ózen-kólderdiń muzy byltyrǵa qaraǵanda eki ese kóp jarylady. Osylaisha sýdyń óz arnasymen erkin aǵýyna jaǵdai jasalmaq.
«Qaraǵandy oblysy Ulytaý taýlarynan keledi dep oilap otyrmyz. Qazgidromettiń málimetinshe, sol jaqtan biyl sý kóbirek túsedi. Reseidiń Cheliabi oblysynan keletin sýdy áriptesterimizben naýryzda kezdesip taǵy da sóilesemiz», - deidi oblystyq TJD basshysy Talǵat Kákimov.
