Qostanai oblysynda táýlik ishinde qar qursaýynda qalyp qoiǵan 58 adamǵa kómek kórsetildi, dep habarlaidy "Ult aqparat" oblystyq TJD baspasóz qyzmetine silteme jasap.
«16 qańtar kúni Tótenshe jaǵdailar departamentiniń jedel-qutqarý bólimi qyzmetkerleriniń kúshimen 3 júk kóligi jáne 18 jeńil avtomobil qar qursaýynan shyǵaryldy. Barlyǵy 58 adamǵa kómek kórsetildi. Onyń ishinde 3 sábi bolǵan», - dedi vedomstvonyń baspasóz hatshysy Ýálihan Dosanov.
TJD ókilderi oblys turǵyndaryn boran kúnderi barynsha saq bolýǵa shaqyrady. Sondai-aq alys jolǵa shyqpaýǵa keńes beredi.
Buǵan deiin Qostanai oblysynyń eki aýdany men bir qalasynda jaryq óship qalǵanyn jazǵan bolatynbyz.
