Foto: gov.kz
6 shildede Qostanai óńiriniń "Zarechnoe" tájiribelik-óndiristik sharýashylyǵynyń aýmaǵynda italiialyq prýs pen tabyndyq emes shegirtkelerdiń úiiri anyqtaldy. Ol jerge Qostanai oblystyq aýmaqtyq inspektsiiasynyń jetekshisi Darhan Ábdikárimov bastaǵan mamandar toby bardy. Egistikterdi zertteý nátijesi Qostanai aýdanynyń azǵantai aýmaqtarynda ziiankesterdiń taralǵanyn kórsetti. Sondai-aq jándikterdiń taralý qaýpiniń tómendigine qaramastan, bul aýdanda jáne Qostanai qalasynda aýmaqtarǵa himiialyq óńdeý júrgizý týraly sheshim qabyldandy, dep habarlaidy "Ult aqparat" AShM baspasóz qyzmetine silteme jasap.
Aita keteiik, búgingi tańda Qostanai oblysynda tabyn shegirtke ziiankesteriniń bolýyna bailanysty 1,7 mln ga jer zertteldi. Italiialyq prýsqa qarsy qorǵanys sharalary 290,9 myń ga jerde, aziialyq shegirtkege qarsy 6,5 myń ga jerde júrgizildi. Oblysqa barlyq qajetti preparattardyń kólemi aldyn ala jetkizildi.
Jalpy, tabyn shegirtkeleriniń damýy men taralýy tsikldik sipatqa ie. Aýa-raiy men klimattyq jaǵdailarǵa bailanysty ár jyldary ziiankester sanynyń kóbeiýi men azaiýy boldy.
Máselen, shegirtkelerdiń eń aýqymdy taralýy 2000 jyly tirkelgen bolatyn, 7,1 mln ga aýmaqqa tarady.2015 jyldan 2019 jylǵa deiin himiialyq óńdeý alańynyń 3,2 mln gektardan 567,6 myń gektarǵa deiin tómendeýi baiqaldy. 2020 jyldan bastap qazirgi ýaqytqa deiin tabyn ziiankesteriniń taralýynyń kóbeigeni baiqalady.
