Qostanai oblysynda 16 adam karantinge jatqyzyldy. Bul týraly Qostanai oblysy ákiminiń orynbasary Marat Júndibaev aitty, dep habarlaidy "Ult aqparat".
«Epidemiologiialyq jaǵdaiǵa bailanysty óńirde infektsiiaǵa qarsy is-qimyl úshin 1077 tósek-oryn daiyndaldy. Búginde oblysta 291 adam aýrýhanaǵa jatqyzylyp, dáriger baqylaýyna alyndy. Onyń ishinde provizorlyq statsionarlarda – 99, karantindik statsionarlarda – 163, infektsiialyq tósekte 29 adam bar.
16 naýryzdan bastap 63 adam statsionarlardan COVID-19-ǵa teris nátijeden keiin shyǵaryldy. Taǵy 113 adamdy shyǵarý josparlanýda», - dedi M.Júndibaev.
Óńirde úi karantinine 1 «b» sanatyndaǵy elderden (Chehiia, Portýgaliia, Finliandiia, Litva, Ulybritaniia, Túrkiia, AQSh, TMD elderi jáne respýblikanyń qolaisyz óńirlerinen) kelgen 2124 adam ornalastyryldy. Emhana dárigerleri olardy qońyraý shalý arqyly qadaǵalaidy.
Oblystyń meditsinalyq uiymdarynda densaýlyq saqtaý ministrligi usynǵan 105 dári-dármektiń qory bar. Ol 3 aiǵa jetedi dep josparlanýda.
Meditsinalyq jáne epidemiiaǵa qarsy is-sharalardy júrgizýge jergilikti biýdjetten qosymsha 2,1 mlrd teńge bólindi. Buǵan meditsinalyq jabdyqtar, dezinfektsiialyq quraldar, qorǵanysh kombinezondaryn, maskalar satyp alynady.
Buǵan deiin Qostanai oblysynda bir adamnyń koronavirýs juqtyrǵanyn habarlaǵan edik.
Keiin onyń 23 naýryz kúni «Sharm-el-sheih - Almaty» reisimen ushyp kelgeni belgili boldy.
