Máskeý qalasynyń 15 dárigeri Qostanai oblysyna COVID-19 virýsyna qarsy kúreske kómek kórsetý úshin keldi, dep habarlaidy "Ult aqparat".
Máskeý qalasynan kelgen mamandar brigadasyn oblys ákimi Arhimed Muhambetov qabyldady. Óńir basshysy Máskeý meri Sergei Sobianinge kórsetilgen kómek úshin alǵys aitty.
Mýltidistsiplinarlyq meditsinalyq brigadany N.V. Sklifosovskii atyndaǵy ǴZI tótenshe jaǵdailarda jumys isteý úshin mamandandyrylǵan meditsinalyq kómek brigadasynyń meńgerýshisi Oleg Chernysh basqarady.
«Brigadanyń basty maqsaty – pandemiia kezinde bizdiń oblys aýmaǵyndaǵy epidemiologiialyq jaǵdaidy zertteý. Mamandar jergilikti densaýlyq saqtaý organdarymen birlesip, KVI taralýynyń aldyn alý boiynsha is-sharalardy ázirleý. Brigadalar provizorlyq ortalyqtarǵa baryp, aýrýhanalardy qaita beiindeýge kómektesip, patsientterdi qarap, ár túrli mamandyqtaǵy dárigerler úshin oqytý seminarlaryn ótkizetin bolady. Quramynda hirýrg, anesteziolog-reanimatolog, pýlmonolog, infektsionist, kardiolog, epidemiolog, KT rentgenology, anesteziia meiirbikesi jáne koronavirýsy bar patsientterdi emdeýde tájiribesi bar basqa da mamandar bar», - dedi aimaq basshysy.
Dárigerler Máskeý qalalyq aýrýhanasy, M.P. Konchalovskii atyndaǵy aýrýhana, Kommýnarktegi №40 jáne №67 aýrýhana, A.S. Loginov atyndaǵy MKǴP ortalyǵy, M. P.Konchalovskii atyndaǵy ortalyq, №2 Juqpaly aýrýlar aýrýhanasy men №121 klinikalyq-diagnostikalyq emhanada jumys isteidi.
