Qostanai oblysynda jol-kólik apaty saldarynan kámelet jasqa tolmaǵan úsh bala qaza tapty, dep habarlaidy "Ult aqparat" Qostanai oblystyq Politsiia departamentiniń baspasóz qyzmetine silteme jasap.
«26 maýsym kúni «Qostanai-Qarabutaq» kúre jolynda Renault Sandero kóligin júrgizip kele jatqan 36 jastaǵy áiel júk kóligin basyp ozý kezinde joldyń qarsy betinde kele jatqan Lexus kóligimen soqtyǵysty. Jol-kólik oqiǵasy saldarynan Renault Sandero-da otyrǵan 14 jastaǵy eki bala men 17 jastaǵy jasóspirim qaza tapty», - dep habarlady politsiiadan.
Atalǵan kóliktiń júrgizýshisi men 40 jastaǵy jolaýshy dene jaraqattaryn alǵan.
QR Qylmystyq kodeksiniń 345-baby boiynsha sotqa deiingi tergep-tekserý amaldary bastaldy.
