Aqmola oblysynyń Qosshy qalasynda káriz shuńqyrynan alty jasar bala óli tabyldy, - dep habarlaidy "Ult aqparat" Politsiia departamentiniń baspasóz qyzmetine silteme jasap.
Politseiler málimetinshe, 26 tamyzda saǵat 21.30 shamasynda tártip saqshylaryna jergilikti turǵynnan eki saǵat buryn alty jasar uly aýlaǵa oinaýǵa ketkeni jóninde jáne sodan beri qaida ekeni belgisiz ekeni týraly habarlama túsken.
"Politsiia basqarmasynyń basshylyǵy, jeke quram men jedel-tergeý toby kórsetilgen mekenjaiǵa dereý jetti. Jedel-izdestirý sharalary nátijesinde bala káriz shuńqyrynan (septikten) óli tabyldy", - dedi vedomstvo ókilderi.
Tártip saqshylary bul derekti sotaldy tergep-tekserýdiń biryńǵai tizilimine tirkegen, saraptamalar taǵaiyndaldy.
