Foto: janabastau.kz
Saltanatty ashylý sharasyna Aqmola oblysy máslihatynyń tóraǵasy Beibit Júsipov jáne Qosshy qalasy ákiminiń orynbasary Bergen Jumkeiuly qatysyp, qurmetti ustazdar qaýymyna, ata-analarǵa jáne oqýshylarǵa alǵashqy bilim kúninde sáttilik tiledi, dep habarlaidy janabastau.kz.
Aita keteiik, memlekettik tilde bilim beretin 1200 oryndyq mekteptiń qurylysy 2020 jyldyń 4 toqsanynda bastalǵan. Qurylysqa tapsyrys berýshi – Aqmola oblysynyń qurylys, sáýlet jáne qala qurylysy basqarmasy. Qurylysty "Astana-Kóktem" JShS júrgizdi.
Jalpy aýdany 20357 myń sharshy metr bolatyn mektep ǵimaraty 3 qabattan, 6 bloktan turady. Oqý kabinetteriniń sany – 50. Himiia, fizika, biologiia, tehnologiia kabinetteri, qajetti jihazben tolyqtai jabdyqtalǵan. 384 oryndyq ashana, 600 oryndyq akt zaly, aýdany 520 sharshy metr sport zaly, metal, aǵash, mata óńdeý sheberhanalary, alǵashqy áskeri daiyndyq kabinetteri jumys isteidi.
Bilim oshaǵynyń aýmaǵynda fýtbol jáne basketbol alańy bar. Mektepke 1-4 synyp aralyǵynda 318 bala, 5-9 synyptarǵa 248 bala, 10-11 synyptarǵa 24 bala qabyldanǵan. Barlyq qabyldanǵan oqýshylar sany – 590 oqýshy. Oqýshylar sany taǵy kóbeiedi dep kútilýde.
Jańadan ashylǵan eki mektepke Qazaqstan Respýblikasy Bilim jáne ǵylym ministriniń 2012 jylǵy 21 aqpandaǵy №57 buiryǵy negizinde jańa bilim berý uiymyn ashý kezinde, sondai-aq oqýshylardyń belgili bir kontingenti jańa bilim berý uiymyna kóshý jaǵdaiynda oqýshy oryndarynyń tapshylyǵy, osy synyptarda sabaq bergen jáne synyptyq basshylyqty júzege asyrǵan pedagogterdi jumysqa ornalastyrý konkýrstyq rásimnen ótpei-aq aýystyrý tártibimen júrgiziletindikten Qosshy qalasyndaǵy №2 orta mektebiniń pedagogtary aýystyryldy.
