Búgin Aqmola oblysynda koronavirýs infektsiiasyn juqtyrǵan 7 adam tirkeldi, – dep habarlaidy "Ult aqparat".
COVID-19 taralýyna jol bermeý jónindegi vedomstvoaralyq komissiianyń málimetinshe, virýsty juqtyrǵan 7 adamnyń 4-eýi buǵan deiin Nur-Sultan qalasynan anyqtalǵan koronavirýsty juqtyrǵan adammen jaqyn bailanysta bolǵan adamdar.
Tselinograd aýdanynyń Qosshy aýylynda COVID-19 úi oshaǵynda 1969 jáne 1995 jylǵy áiel adamdardan, 1995 jylǵy er adamnan jáne 2017 jyly týǵan qyz baladan tabyldy. Taǵy eki jaǵdai atalǵan eldi mekenniń ákimshilik aýmaǵymen bailanysty. Qaýiptilik tobynan 1953 jylǵy zeinetkerden koronavirýs anyqtaldy.
Sondai-aq respiratorlyq aýrýy bar 1998 jylǵy er azamatty skriningtik tekserý barysynda koronavirýs anyqtaldy. Buǵan qosa, skriningtik tekserý kezinde COVID-19 Arshaly aýdanynda 1998 jylǵy júkti áieldiń aǵzasynan tabyldy.
Barlyǵy Kókshetaý qalasyndaǵy Aqmola oblystyq týberkýlezge qarsy dispanserine jatqyzyldy. Aýrý oshaqtarynda zararsyzdandyrý jumystary júrgizilip jatyr. Sanitarlyq-epidemiologiialyq tergeý jumystary qolǵa alynǵan.
Oblysta koronavirýs infektsiiasyn juqtyrǵan 142 adam tirkelgen. Onyń 126-sy - Tselinograd aýdanynda, onyń ishinde 40-ǵy - Qosshy eldi mekeninde tirkelgen. Qalǵan naýqastar Kókshetaý qalasynda jáne Aqkól, Arshaly, Egindikól, Shortandy aýdandarynda anyqtalǵan.
