Baqtiiardyń páteriniń terezesi. Páter iesiniń sýreti
Almatydaǵy qańtar tragediiasy qala turǵyndarynyń beibit mitingisi retinde bastaldy. Biraq keiin megapolis ortalyǵyna jaqsy daiyndalǵan qaraqshylar men lańkester shyqty. Osydan keiin jaǵdai baqylaýdan shyǵyp ketti: qylmyskerler qala ákimdigi mańyndaǵy aýmaqty aqyryndap basyp ala bastady, ǵimaratqa kúshpen basyp kirip, ony órtep jiberdi, sonymen qatar, Qazaqstan Prezidentiniń rezidentsiiasy, respýblikalyq telearnalar keńsesi órteldi.
Munyń bári jáne granata, úzdiksiz atylǵan oq daýystary úsh kúnge sozyldy. Qańǵyǵan oqtyń biri almatylyq Baqtiiar Nurmaǵambetovtiń páterine túsken jáne páterdi órtep jiberýge shaq qalǵan. Ol Respýblika alańy mańynda turady jáne sol kúnderdiń kýágerleriniń biri. Ol osy oqiǵanyń keibir tustaryn aityp berdi, - dep habarlaidy Tengrinews.kz tilshisi.
4 qańtarda tústen keiin Baqtiiar otbasymen óz páterinde bolǵan. Onyń páteri úidiń 12-qabatynda ornalasqan jáne terezeleri qalanyń ortalyq alańyna qaraidy. Er adamnyń aitýynsha, tártip saqshylary men sarbazdar osy aýmaqtan ketkennen keiin sherýler tártipsizdikterge ainalyp, búlik bastalǵan. Bul sol kúni tústen keiin bolǵan.
"Munda politsiia qyzmetkerleri boldy, biraq olar bir jerge ketip qaldy. Sarbazdar da joǵalyp ketti, olarǵa tasymaldaityn arnaiy kólik kelmedi. Meniń oiymsha, olar túrli jaqqa, iaǵni Joldasbekovten Dostyq dańǵylyna qarai, Nazarbaevtan Ál-Farabige qarai ketti. Olar 18-19 jas aralyǵyndaǵy jas ulandar boldy. Olardyń ornyna buzaqylar keldi. Olar jastar men er adamdar edi jáne bastarynda politsiia kaskalary nemese qalqandary boldy. Osydan keiin búlik bastalyp ketti.
Adamdar "Ramstor" mańyndaǵy oryndyqtardy julyp alyp, Nazarbaev dańǵyly men Joldasbekov kóshesin japty. Sodan keiin ár kólikti toqtatyp, júksalǵyshyn tekserdi. Rezidentsiiada qalǵan sarbazdarǵa aparýy múmkin qarý-jaraq pen basqa zattardy izdedi. Bul qarapaiym sherýshiler men tonaýshylar emes edi, jaqsy daiyndalǵan adamdar, naqty toptar boldy. Olardy oryn-ornyna qoiyp qoiǵan, árqaisysynyń óz mindeti boldy: keibireýleri kólikti toqtatty, qalǵandary olardy tekserdi, al endi bireýleri belgili bir áreketterdi basqardy. Óz kóligin kórsetkisi kelmegen júrgizýshilerdi keri qaitýǵa májbúr etti", - dedi almatylyq.
Onyń aitýynsha, halyq kóp jinalatyn jerge tamaq pen sýsyn salynǵan túrli kólikter de kelgen. Olar osy qaraqshylar men lańkesterge arnalǵan. Nurmaǵambetov tamaq jetpei qalǵandar jaqyn mańda ornalasqan shaǵyn dúkenderden alǵanyn aitty. Olar tonamai, aqshaǵa tamaq satyp alǵan.
"Túni boiy jáne kelesi kúni tańerteńge deiin terezeden jarylys pen atystar estildi. Bul tártip saqshylary men tártipsizdikterge qatysýshylar arasyndaǵy qaqtyǵystar edi. Keibireýler telearnalar ornalasqan ákimdikke qarama-qarsy ǵimaratqa kirdi. Onda bir bóligi shatyrǵa kóterilip, úlken belgini qulata bastady... Sondai-aq, osy ǵimaratqa tyǵylǵandar politsiia qyzmetkerlerine kirpish laqtyrdy", - dedi ol.
Nurmaǵambetov 5 qańtarda tańerteń aýdanda tynyshtyq baiqalǵanyn aitty. Munda qozǵalys 15.00-den keiin bastalǵan. Atys bastalǵan. Alaida tuman men tútin saldarynan kim qaqtyǵysyp jatqany kórinbegen.
"Olar bizdiń de kólikterimizdi órtei me dep kórshilerimizben birge qoryqtyq. Sondyqtan aýlamyzda kezekshilik uiymdastyrdyq. Bir ýaqytta birneshe er adam kúzetke shyqty. Biraq keiin aýada gaz tarady. Sonyń saldarynan kóz asha almadyq. Túski astan keiin atys qaita bastaldy. Sonymen qatar, keibir oqtar baiaý ushty, biraq qyzyl tústi boldy. Keiin oqta qandai da bir qospa bar ekenin, túskennen keiin jaǵyp jiberetinin túsindim", - dedi ol.
Osyndai oqtyń biri eki kúnnen keiin Nurmaǵambetovtyń páterine túsken. Oqiǵa búkil otbasy músheleri úide bolǵan kezde keshki saǵat 17.00 shamasynda bolǵan. Baqtiiar men onyń áieli zalda teledidar kórip otyrǵan, qyzy men 13 jastaǵy uly óz bólmesinde bolǵan. Oq dál jatyn bólmeniń terezesin tesip ótken.
"6 qańtarda oqiǵa burynǵydai bolyp jatty. Kóshede birde-bir politsiia nemese áskeri qyzmetker bolǵan joq. Atys túski asqa jaqyn bastalyp, túnge deiin jalǵasty. Al 7 qańtarda atysty 11.00-12.00-de esti bastadyq. Osy ýaqytta politsiia men Hummer áskeri kólikteri kele bastady, al tártip saqshylary evakýator kómegimen beton plitalar men qorshaýlardy qoia bastady. Atys pen jarylys jalǵasty.
Keshke, saǵat 17.00-ge jaqyn, kóshede júrgen kórshiler eki qyzyl oqtyń bizdiń úige qarai ushyp bara jatqanyn baiqaǵan. Bul atys pen dybysty biz de estidik. Óte jaqyn mańda bolǵany túsinikti edi, biraq bizdiń páterimizge ekenin bilmedik. Birneshe sekýndtan keiin ulym óz bólmesinen shyqty, ol qatty abdyrap turdy. Suraqtarǵa jaýap bermedi, shoshynyp qalǵan. Sodan keiin áielim onyń bólmesin qarap, órtenip jatqanymyzdy aityp, aiǵailai bastady", - dedi ol.
Oq kiim salynǵan shkafqa tiip, saldarynan órt shyqqan. Sý toltyrylǵan shelekter daiyn turǵandyqtan, Nurmaǵambetov ony otbasymen birge tez sóndire bastaǵan.
"Tártipsizdik kezinde sý toqtaýy múmkin degen qaýeset tarady. Sondyqtan sýdy arnaiy jinap, vannany da toltyryp aldyq. Baqytymyzǵa orai, órtti tez sóndirdik. Eger úide eshkim bolmasa, páter órtenip keter edi. Sebebi órt sóndirmes buryn birneshe nárse jartylai janyp ketti.
Al ulym oqiǵadan keiin kompiýterde, iaǵni terezege artymen qarap otyrǵanyn aitty. Eger oq 20 santimetrge tómen tússe, onda basyna tier edi. Oqiǵadan keiin ústeldi qabyrǵaǵa taqap qoidyq. Soǵan qaramastan, bes kún boiy ulym jatyn bólmesine kire almady, basqa bólmede uiyqtady", - dedi ol.
Bahtiiardyń aitýynsha, atys bolǵan kúnderi olardyń páterine taǵy bir oq atylǵan. Alaida bul qarapaiym oq bolǵan. Ol balkonnyń qabyrǵasyna túsip, ony tesip ótip, muzdatqyshqa tigen. Baqtiiar naqty qashan bolǵanyn bilmeidi, biraq birinshi "otty" oq atylǵannan keiingi kúni ekinshi jaǵdai bolǵanyn aitty. Oqiǵadan keiin er adam politsiiaǵa júgingen.
Sondai-aq, onyń kórshileri podezden terezeden atylǵan taǵy bir oq tapqanyn aitqan.
Politsiia departamenti málimetinshe, 17 qańtarda ýchaskelik qyzmetker jáne jedel-tergeý toby Nurmaǵambetovtiń páterine barǵan. Tártip saqshylary barlyq shyǵyndy tirkep, oqtardy tárkilegen.
"Zattai dáleldemeler alyndy, olar mindetti túrde tekseriledi. Óndiris materialdary Qylmystyq kodekstiń 272-baby "Jappai tártipsizdikter" boiynsha vedomstvoaralyq jedel-tergeý toby tergeitin negizgi qylmystyq ispen biriktiriledi", - dedi Almaty qalasy PD resmi ókili Saltanat Ázirbek.
Buǵan deiin Almaty ákimdigi ókili tártipsizdik kezinde Nazarbaev dańǵyly men Sátbaev kóshesiniń qiylysynda ornalasqan bir ǵana kóp qabatty úide 37 páter zardap shekkenin málimdedi. Qazir mamandar tekseris júrgizip jatqany, bul birneshe kúndi alatyny aityldy.
"Ásirese, Respýblika alańyndaǵy, Nazarbaev-Sátbaev qiylysyndaǵy turǵyn úiler zardap shekti. Oq terezeler men balkondarǵa túskenin kórdik. Barǵan kezde páter ieleri oq páterlerine atylǵanyn, muzdatqyshty búldirgenin aitty. Osynyń bárin biz jergilikti biýdjet esebinen qalpyna keltirip, turǵyndarǵa kómektesýimiz kerek", - dedi qala ákimi Baqytjan Saǵyntaev.
