V Dúniejúzilik kóshpendiler oiyndarynyń alǵashqy jarys kúninde sportshylar jamby atý sportynyń majar stilinen jeńimpazdar belgili boldy, dep habarlaidy "Ult Aqparat".
Jamby atý saiysyna 27 memleketten 78 sportshy qatysyp jatyr. Sportshylar 11 topqa bólinip, óz tobynan myqtylar baq synady. Jarys nátijesi boiynsha Frantsiia quramasynyń sportshysy Raphael Malet Kóshpendiler oiyndarynyń alǵashqy altyn medaline ie boldy. Kúmis júldeni Mońǵoliia Altankhuyag Nergui ielendi. Al qola medal Frantsiia elinen Gaëtan Blot aldy, dep habarlaidy Ulttyq jáne at sporty túrleri ortalyǵynyń baspasóz qyzmeti.
Ulttyq qurama múshesi Abzal Tulybekov úzdik bestikke qataryna endi.
«Majar stiliniń ereksheligi – sportshy atpen jyldamyraq shaýyp, nysanaǵa kóp oq tigizý kerek. Jebe sanyna shekteý joq. Qazaqstan direktsiiasy barlyǵyn atpen qamtamasyz etti. Toqsanǵa jýyq atty daiyndadyq. Kóshpendiler oiyndary bolǵandyqtan kóp qatysýshy keldi. Kóshpendiler oiyndaryna ulttyq qurama sportshylary úsh ai daiyndaldy. Jyl basynan beri tórt oqý-jattyǵý jinyn ótkizdik. Ár sportshyǵa jeke taktika ázirledik», – dedi Jamby atýdan Qazaqstan ulttyq quramasynyń bas bapkeri Eldos Badashev.
Aita kestek, Qazaqstan quramasy sapynda Aitbek Sarybai, Eralhan Aikóz, Batyr Beksaýyt, Abzal Týlybekov óner kórsetti. Sportshylarymyz buǵan deiin Álem, Eýropa chempionattarynda júldeli oryndardy iemdengen. Sportshylarymyz aldaǵy úsh kún 3 stil (aziia, túrik, qazaq) boiynsha baq synasatyn bolady. At ústinde sadaq atýdan halyqaralyq alians prezidenti Allan Le Gall Qazaqstan quramasy jamby atýdan myqty komandalardyń biri ekenin atap ótti.
«Qazaqstan quramasy byltyr Monǵoliiada ótken álem chempionatynda ekinshi oryn alyp, myqtylyǵyn kórsetti. Qazaq stili boiynsha utatyn shyǵar. Dúbirli dodanyń atmosferasy bizge qatty unap jatyr. Bizdi tamasha kútip aldy. Astanada ózimizdi qurmetti qonaq sezinip jatyrmyz. Olimpiada oiyndarynda júrgendeimiz», – dedi Allan Le Gall.
Eske sala ketsek, Astanada 8-13 qyrkúiek aralyǵynda ótetin dúbirli dodaǵa álemniń 89 elinen 2430 qatysýshy tirkeldi. Qazaqstan quramasynan 261 sportshy qatysady. Kóshpendiler oiyndarynda 21 sport túri boiynsha 97 medal jiyntyǵy sarapqa salynady. Medaldiń jalpy sany – 581 dana.
