QR Memlekettik hatshysy Qyrymbek Kósherbaevtyń tóraǵalyǵymen Jambyl Jabaevtyń 175 jyldyǵyn atap ótý jónindegi memlekettik komissiianyń kezekti otyrysy ótti, dep habarlaidy "Ult aqparat" Aqordaǵa silteme jasap.
Memlekettik hatshy óz sózinde Jambyl Jabaevtyń 175 jyldyǵy eldigimizdi aishyqtap, birligimizdi kórsetetin aitýly oqiǵa ekenin, aldaǵy josparlanǵan is-sharalardy joǵary deńgeide ótkizý qajettigin aitty.
– Aqynnyń mereitoiy jas urpaqty tárbieleitin, ultymyzdy uiystyratyn, jurtshylyqqa oi salatyn taǵylymy mol, tálimi zor, tárbielik máni bai shara bolýy tiis, – dedi Qyrymbek Kósherbaev.
Komissiia otyrysynda Mádeniet jáne sport ministri Aqtoty Raiymqulova, Aqparat jáne qoǵamdyq damý ministri Aida Balaeva, Bilim jáne ǵylym ministri Ashat Aimaǵambetov, sonymen qatar, Almaty oblysynyń ákimi Amandyq Batalov pen Jambyl oblysynyń ákimi Berdibek Saparbaev aqyn mereitoiyn atap ótýge qatysty jospardyń oryndalý barysy jóninde baiandady.
Jiyn sońynda Memlekettik hatshy Jambyl Jabaevtyń 175 jyldyq mereitoiyn daiyndaý jáne ótkizý jónindegi jalpy respýblikalyq jospardy oryndaý jónindegi jumysty jalǵastyrýdy jáne belgilengen is-sharalardyń sapaly ótkizilýin qamtamasyz etýdi tapsyrdy.
