Qazaqstan Respýblikasynyń Memlekettik hatshysy Qyrymbek Kósherbaev Parijde IýNESKO-nyń Bas hatshysy Odre Azýlemen kezdesti, dep habarlaidy Aqordanyń baspasóz qyzmeti.
Olar Qazaqstan men IýNESKO arasyndaǵy mádeni-gýmanitarlyq ózara is-qimyldar jáne aldaǵy ýaqyttaǵy yntymaqtastyqtyń perspektivalaryna qatysty kóptegen máseleni talqylady.
Qyrymbek Kósherbaev IýNESKO jetekshisine ál-Farabidiń 1150 jyldyǵy men Shymkent qalasynyń 2200 jyldyǵyn IýNESKO-nyń ataýly kúnder men oqiǵalardyń halyqaralyq kúntizbesine engizý jónindegi Qazaqstan bastamasyna qoldaý kórsetkeni úshin rizashylyq bildirdi.
Sondai-aq, kelesi jyly Qazaqstanda qazaqtyń uly aqyny jáne aǵartýshysy Abai Qunanbaiulynyń 175 jyldyǵy keń kólemde atap ótiledi. Bul oraida, 2020 jyly IýNESKO-nyń shtab-páterinde arnaiy mádeni baǵdarlamalar uiymdastyrý usynyldy.
Kezdesýde Búkilálemdik mádeni muraǵa jatatyn eskertkishterdi qorǵaý boiynsha Qoja Ahmet Iassaýidiń kesenesi ornalasqan Túrkistan qalasynyń qazirgi zamanǵa sai damý taqyryby qozǵaldy. Taraptar «Jibek jolynyń Ferǵana-Syrdariia dáliziniń jelileri» transulttyq nominatsiiasyna qatysty jáne taiaý jyldary IýNESKO-nyń búkilálemdik muralar tizimine seriialyq nominatsiialardy engizýge qatysty ustanymdaryn kelisti.
Kezdesý sońynda Prezident Q.Toqaevtyń Qazaqstanǵa shaqyrý qaǵazy IýNESKO Bas hatshysy O.Azýlege tabystaldy. Ol shaqyrýdy rizashylyqpen qabyldady.
