قازاقستان رەسپۋبليكاسىنىڭ مەملەكەتتٸك حاتشىسى قىرىمبەك كٶشەرباەۆ پاريجدە يۋنەسكو-نىڭ باس حاتشىسى ودرە ازۋلەمەن كەزدەستٸ, دەپ حابارلايدى اقوردانىڭ باسپاسٶز قىزمەتٸ.
ولار قازاقستان مەن يۋنەسكو اراسىنداعى مەدەني-گۋمانيتارلىق ٶزارا ٸس-قيمىلدار جەنە الداعى ۋاقىتتاعى ىنتىماقتاستىقتىڭ پەرسپەكتيۆالارىنا قاتىستى كٶپتەگەن مەسەلەنٸ تالقىلادى.
قىرىمبەك كٶشەرباەۆ يۋنەسكو جەتەكشٸسٸنە ەل-فارابيدٸڭ 1150 جىلدىعى مەن شىمكەنت قالاسىنىڭ 2200 جىلدىعىن يۋنەسكو-نىڭ اتاۋلى كٷندەر مەن وقيعالاردىڭ حالىقارالىق كٷنتٸزبەسٸنە ەنگٸزۋ جٶنٸندەگٸ قازاقستان باستاماسىنا قولداۋ كٶرسەتكەنٸ ٷشٸن ريزاشىلىق بٸلدٸردٸ.
سونداي-اق, كەلەسٸ جىلى قازاقستاندا قازاقتىڭ ۇلى اقىنى جەنە اعارتۋشىسى اباي قۇنانبايۇلىنىڭ 175 جىلدىعى كەڭ كٶلەمدە اتاپ ٶتٸلەدٸ. بۇل ورايدا, 2020 جىلى يۋنەسكو-نىڭ شتاب-پەتەرٸندە ارنايى مەدەني باعدارلامالار ۇيىمداستىرۋ ۇسىنىلدى.
كەزدەسۋدە بٷكٸلەلەمدٸك مەدەني مۇراعا جاتاتىن ەسكەرتكٸشتەردٸ قورعاۋ بويىنشا قوجا احمەت ياسساۋيدٸڭ كەسەنەسٸ ورنالاسقان تٷركٸستان قالاسىنىڭ قازٸرگٸ زامانعا ساي دامۋ تاقىرىبى قوزعالدى. تاراپتار «جٸبەك جولىنىڭ فەرعانا-سىردارييا دەلٸزٸنٸڭ جەلٸلەرٸ» ترانسۇلتتىق نوميناتسيياسىنا قاتىستى جەنە تاياۋ جىلدارى يۋنەسكو-نىڭ بٷكٸلەلەمدٸك مۇرالار تٸزٸمٸنە سەرييالىق نوميناتسييالاردى ەنگٸزۋگە قاتىستى ۇستانىمدارىن كەلٸستٸ.
كەزدەسۋ سوڭىندا پرەزيدەنت ق.توقاەۆتىڭ قازاقستانعا شاقىرۋ قاعازى يۋنەسكو باس حاتشىسى و.ازۋلەگە تابىستالدى. ول شاقىرۋدى ريزاشىلىقپەن قابىلدادى.
