Elimizdegi qalalardyń kóshelerine jáne qoǵamdyq oryndarda «SOS túimeshigi» jedel shaqyrý qurylǵysy ornatylady. Bul týraly QR Ishki ister ministrliginiń resmi ókili Nurdildá Oraz aitty, dep habarlaidy "Ult aqparat".
«Kóshelerde jáne qoǵamdyq oryndarda «SOS túimeshegi» jedel shaqyrý qurylǵysy qoiylady. Túimeshikti basqan kezde quqyq buzýshylyq týraly habarlama jiberýge nemese kómek alý úshin politsiiaǵa júginýge bolady», - dedi ol vedomstvonyń baspasóz qyzmeti alańynda ótken brifing barysynda.
Sonymen qatar ol biyl «102» mobildi qosymshasy iske qosylatynyn aitty.
«Onyń kómegimen de quqyq buzýshylyq týraly habarlaýǵa bolady. Ótinim berý nemese júginý tek telefon bailanysy arqyly ǵana emes sonymen birge mesendjerlerdiń jáne áleýmettik jelilerdiń kómegimen júzege asyrylady», - dedi Nurdildá Oraz.
