Májilis depýtaty Vladislav Kosarev Leninniń eskertkishteriniń saqtalýyna alańdady, dep habarlaidy Sputnik Qazaqstan tilshisi.
Búgin májiliste "Tarihi-mádeni mura obektilerin qorǵaý jáne paidalaný týraly" zań jobasy birinshi oqylymda qaraldy.
Suraq-jaýap barysynda májilistegi "Halyq kommýnisteri" fraktsiiasynyń múshesi Vladislav Kosarev mádeniet jáne sport ministri Arystanbek Muhamediulyna keńestik dáýirden qalǵan eskertkishterdi saqtaýǵa qatysty saýal joldady. Depýtat zań jobasynda tek kóne tarihi mádeni eskertkishter ǵana emes, keńestik zamandaǵy eskertkishterdi saqtaý tetikteri bolýy tiis ekenin atap ótti.
"Bizde keńestik ýaqyttaǵy eskertkishterdi saqtaý úshin qandai moraldyq jaýapkershilik qarastyrylǵan? Leninniń eskertkishi qoqysta jatqan qalada ómir súrýge bolmaidy ǵoi. Al bizde qoǵam mádenietine jaýapty Mádeniet ministrligi bar", - dep ashýlandy depýtat.
Arystanbek Muhamediuly Kosarevke "biregei suraq" úshin raqmet aitty.
"Durys aitasyz. Kezinde mynadai uran bolǵan: Lenin ómir súrdi, ómir súrip jatyr jáne ómir súre beredi", - dep ázildedi ministr.
Muhamediuly keńes tarihynyń eskertkishterin saqtaý boiynsha jumys júrip jatqanyna sendirdi. Osy oraida ol májilis depýtatyn Lenin eskertkishi ornalasqan Almatydaǵy Saryarqa saiabaǵyna shaqyrdy.
"Siz sol saiabaqqa baryp, gúl shoqtaryn qoia alasyz. Árine, 22 sáýir kúni biz bárimiz sol jerde bolýymyz kerek (Leninniń týǵan kúni – Sputnik Qazaqstan)", - dep túiindedi sózin Muhamediuly.
