Shymkent qalasyndaǵy «Meiirim» provizorlyq ortalyǵynda em qabyldaǵan 90 jastaǵy Kúlsara Qarsybaeva ájemiz pnevmoniiadan 25 kúnde jazylyp shyqty, dep habarlaidy "Ult aqparat".
Tynys alýy qiyndaǵan Kúlsara apamyz alǵashynda infektsiialyq aýyrýhananyń jansaqtaý bólimine jetkizildi. Dárigerlerdiń tekserýinen keiin qos ókpesi 70% zaqymdanǵany anyqtalyp, «pnevmoniia» diagnozy qoiyldy.
Jansaqtaý bóliminde 3 kún emdelgen soń, «Meiirim» provizorlyq ortalyǵyna óz qalaýymen aýystyryldy. Túsken kezdegi naýqastyń jaǵdaiy aýyr bolatyn. Satýratsiiasy 75% tómendegen. Dárigerlerdiń emdeý hattamasyna sáikes der kezinde meditsinalyq kómek kórsetip, durys júrgizilgen emdeý sharalarynyń nátijesinde, Kúlsara Qarsybaevanyń densaýlyǵy 25 kúnde jaqsardy. Densaýlyq jaǵdaiynyń aýyrlyǵyna jáne qosymsha sozylmaly aýrýlaryna (sozylmaly holetsistit, pankreatit, arteriialyq gipertenziia) karamastan, ájei aýrýmen kúresip, jeńip shykty. Dárigerler onyń qazirgi jaǵdaiy jaqsy ekenin aitady.
Indetinen tolyqtai saýyqqan 90 jastaǵy apamyz, «Meiirim» provizorlyq ortalyǵynyń dárigerlerine aq batasyn berip, búgin klinikadan otbasyna oraldy.
«Meiirimdilik, mahabbat, qaiyrymdylyq, adaldyq sekildi izgilikter aq júrekten shyǵady» demekshi, óz qýanyshyn jasyra almaǵan ájemiz atyna zaty sai «Meiirim» provizorlyq ortalyǵynyń bas dárigeri Niiazkulov Ábdirahmet Ábdiqadyrulyna, bólim meńgerýshisi Erimbetova Laýra Saparǵaliqyzyna, dárigerler – Júmakúl Gúláiym Álimbaevna, Aǵabekova Gúljan Orynbasarqyzy, Túktibaeva Sáýle Aqtileýqyzy, Kemelbekov Qanatjan Saýhanbekuly, Ańdabaeva Elmira Bahytbekqyzy jáne taǵy da basqa meditsina qyzmetkerlerine sheksiz alǵysyn bildirdi.
«Meiirim» provizorlyq ortalyǵynyń qoly shipaly, aq halatty abzal jandy, meiirimdi qyzmetkerleriniń eńbekterine tabys, denderine saýlyq tiledi.
Mundai jasta indetti jeńip shyǵý – erekshe jaǵdai.
Óz kezeginde ortalyq qyzmetkerleri Kúlsara Qarsybaevaǵa uzaq ǵumyr tiledi.
