Sot «Ohotzooprom «ÓB» RMQK Ortalyq óńirlik filialynyń inspektory Qanysh Nurtazinovty óltirdi degen kúdikpen ustalǵan Arqalyq qalasynyń 45 jastaǵy turǵynyn eki aiǵa qamaý týraly qaýly shyǵardy, dep habarlaidy Aqmola oblystyq sotynyń baspasóz qyzmeti.
«Aqmola oblysy Jarqaiyń aýdandyq sotynyń 2019 jylǵy shildeniń 25-gi qaýlysymen «Ohotzooprom «ÓB» RMQK Ortalyq óńirlik filialynyń inspektoryn óltirdi degen kúdiktige qatysty eki ai merzimge qamaýǵa alý týraly sanktsiia qoldandy», dep aitty Aqmola oblystyq sotynyń baspasóz qyzmeti.
Vedomstvonyń málimetinshe, qylmystyq tergeý organdary kúdiktininiń ústinen QR QK 99 babynyń 2 bóligi 2 bólimshesi boiynsha (adam óltirý) is qozǵap otyr.
Aita keteiik, osyǵan deiin habarlaǵanymyzdai, aǵymdaǵy jylǵy shildeniń 23-de «Ohotzooprom «ÓB» RMQK Ortalyq óńirlik filialynyń inspektory Qanysh Nurtazinov brakonerlerdiń qolynan qaza bolǵan edi. Al, onyń áriptesi Samat Ospanov jaralanyp aýrýhanaǵa tústi. Keiin jedel izdestirý sharasy kezinde osy qylmysqa kúdikti Arqalyq qalasynyń 45 jáne 20 jastaǵy turǵyndary ustalǵan bolatyn.
