QR Prezidenti Qasym-Jomart Toqaevtyń jarlyǵymen Ádil Kenjeǵulov III dárejeli «Aibyn» ordenimen marapattaldy, dep habarlaidy "Ult aqparat" Aqordaǵa silteme jasap.
«Qyzmettik boryshyn atqarý ústinde kórsetken erligi men janqiiarlyǵy úshin Ekologiia, geologiia jáne tabiǵi resýrstar ministrligi Orman sharýashylyǵy jáne janýarlar dúniesi komitetiniń «Ohotzooprom» ÓB» RMQK Qyzylorda óńirlik filialynyń inspektory Ádil Sharapatdinuly Kenjeǵulov III dárejeli «Aibyn» ordenimen nagradtalsyn (marqum)», -delingen Jarlyq mátininde.
Osy Jarlyq qol qoiylǵan kúninen bastap qoldanysqa engiziledi.
Bul oqiǵa Qyzylorda oblysynyń Jalaǵash aýdanynda 25 qazan kúni túnde bolǵan edi. Qashqan brakonerdiń sońyna túsken inspektordyń kóligi aýdarylyp ketken. Brakonerler oqiǵa ornynda ustaldy. Olardyń kóliginen qarý men zańsyz atylǵan jabaiy ańnyń ushasy tabyldy
Aita keteiik, Ádil Kenjeǵulov - jyl basynan beri tabiǵatty qorǵaýda mert bolǵan úshinshi qoryqshy.
