Abai oblysy Úrjar aýylynda zorlanǵan 9 jasar qyz bala Semei qalasyndaǵy aýrýhanaǵa jatqyzyldy. Jantúrshigerlik jaǵdai ótken aptada bolǵan edi, dep habarlaidy Ulysmedia.kz portaly "Astana" telearnasyna silteme jasap.
Telearna málimetinshe, jábirlenýshiniń anasy túngi aýysymnan úiine kelgende qyzynyń ústinen qan izderin kórgen. Qyz balany zorlady degen kúdikpen 48 jastaǵy kórshisi, otbasyly er adam ustalǵan.
Qazirgi tańda ol qamaýǵa alynǵan. Jábirlenýshiniń anasy qazir qyzy barlyq tekserý, emdeý sharalarynan ótip jatqanyn aitty.
"ÝDZ ótti, taǵy bir diagnostika narkoz jasaý arqyly júrgiziledi. Bóten adamdardan qatty qorqady, jalǵyz qalýdan qorqady. Inektsiiadan keiin onymen sóilesý qiynǵa soqty, ol tipti meni ózine jaqyndatpaidy, óitkeni qatty qorqyp qalǵan", - deidi qyz balanyń anasy.
Telearnanyń habarlaýynsha, qyz bala jaqyn arada Óskemendegi ońaltý ortalyǵynda psihologtardyń kýrsynan ótedi.
