QR Prezidenti Qasym-Jomart Toqaev sybailas jemqorlyqqa qarsy kúres qyzmetine qatysty Úkimetke jańa mindet júktedi, dep habarlaidy QazAqparat.
«Sybailas jemqorlyqqa qarsy saiasatqa qatysty bólek reforma júzege asyrylatyn bolady. Biz jemqorlyqtyń sebebimen emes, saldarymen kúresýimiz kerek. Paraqorlyqqa qatysty júieli taldaý jasaý qajet. Sheneýnikterdiń biznes pen qarapaiym azamattardyń sharýasyna qandai bir áser etý yqpalyn azaitý kerek. Bul sharýaǵa shynaiy túrde kirisken jón.
Agenttik sybailas jemqorlyqpen kúresýdiń strategiialyq jobasyn ázirledi. Endigi ýaqytta atalǵan jobany Kásipkerler qaýymdastyǵymen talqylaǵan jón. Jáne osy oraida korporativtik jemqorlyq máselesine de erekshe nazar aýdarý qajet», - dedi Qasym-Jomart Toqaev.
Odan bólek, Memleket basshysy elimizdiń tabiǵi bailyǵyn qoldanýǵa qatysty atap ótti.
«Tabiǵi bailyqty tiimdi qoldanýymyz kerek. Úkimet ken oryndaryna reviziia júrgizip, paidalanylmai jatqan ken oryndaryn jandandyrý úshin otandyq jáne sheteldik investitsiiany tartýǵa kúsh salý qajet. Eger ken orny bireýdiń menshiginde bolyp, ol qoldanylmai jatsa, ony qaitarý kerek», - deidi ol.
