© Sputnik / Pavel Lvov
Densaýlyq saqtaý ministri Ajar Ǵiniiat Qytaida koronavirýstyń jańa túri tarap jatqanyn aitty, dep habarlaidy Sputnik Qazaqstan.
"Búginde Qytaida omikron – "stels-omikrondy" juqtyrý jaǵdailary kóbeiip jatyr. Kúnine aýrýǵa shaldyqqan 30 myń adam tirkeledi. Ol jaqta qatań shekteý sharalary qolǵa alyndy. Biz de osy máselege qatysty jaǵdaidy baqylap otyrmyz. Ai saiyn oń nátije kórsetken PTR-testerdi qaraimyz, Qytaida tirkelgen omikron jáne onyń basqa da túrleri bar ma, joq pa, ony da tekseremiz", - dedi Ǵiniiat Cenattaǵy otyrystan keiingi brifingte.
Ministrdiń aitýynsha, búginde koronavirýs infektsiiasyn anyqtaý júiesi bar. Biraq jańa mýtatsiianyń áseri qandai bolatynyn dóp basyp aitý qiyn.
"Koronavirýstyń jańa túri kelse, naýqastardyń sany kúrt ósýi múmkin, ia bolmasa, qazirgi ujymdyq immýnitet qarsy tura alady. Onda ol aýrý kádimgidei tumaý siiaqty ótedi", - dep atap ótti Ǵiniiat.
Qazirgi kezde Dúniejúzilik densaýlyq saqtaý uiymy monitoring jáne zertteý sharalaryn júrgizip keledi.
"DDU basshysy jaǵdaidyń birqalypty emes ekenin aityp otyr. Olar baqylaý júrgizip keledi. Pandemiia áli aiaqtalǵan joq", - dedi Densaýlyq ministri.
