Ońtústik Afrika Respýblikasynda koronavirýstyń jańa shtamynyń paida bolýy týraly jańalyqtar álemdik qarjy naryǵyna edáýir áser etti. QR UB Monetarlyq operatsiialar departamentiniń direktory N.Tursynhanov damýshy elderdiń energiia tasymaldaýshylary men valiýtalary naryǵyndaǵy ahýaldyń damýy týraly aityp berdi, dep habarlaidy QazAqparat.
Ońtústik Afrikada koronavirýstyń jańa shtamynyń tabylýy jáne birqatar elderdiń áýe qatynasyna tyiym salýy ótken jumada munai baǵasyna, aktsiialarǵa jáne damýshy elderdiń valiýtalaryna baǵa belgileýdi tómendetti.
Ońtústik Afrikanyń shtamy ǵalymdardyń nazaryna úsh kún buryn ǵana tússe de, Dúniejúzilik densaýlyq saqtaý uiymynyń alańdaýshylyǵyn týǵyzdy. Jańa shtamdaǵy kóptegen mýtatsiialar onyń joǵary juqpalylyǵy jáne qolda bar vaktsinalarǵa tózimdiligi týraly qaýiptenýdi týdyrady. Ulybritaniia, Singapýr, Avstriia, Izrail, Gonkong jańa shtamnyń anyqtalýyna bailanysty OAR-dan reisterdi ýaqytsha toqtatqan alǵashqy elderdiń qatarynda boldy. Eýropalyq komissiia búkil Eýropalyq Odaqqa uqsas usynys daiyndap jatyr.
Esterińizge sala ketsek, ótken aptanyń dúisenbisinen bastap Eýropanyń úsh elinde koronavirýs infektsiiasymen aýyrýdyń kúrt ósýine bailanysty lokdaýn qoldanyla bastady.
Jańa shekteý sharalarynyń jappai yqtimal engizilýine bailanysty otynǵa degen suranystyń kúrt tómendeýine qatysty qaýiptený saldarynan Brent surypty munai bir barrel úshin 82,2 dollardan 72,7 dollarǵa deiin 11,6%-ǵa quldyrady. Munai naryǵy AQSh pen otyndy tutynýshy – basqa elderdiń strategiialyq rezervterden munaidy satý boiynsha kelisilgen is-qimylynan keiin qysymda boldy, alaida koronavirýstyq jaǵdaidyń aiqyn nasharlaýy baǵa belgileýdiń quldyraýyna ákeldi.
Investorlar sentimentiniń kúrt nasharlaýy jáne qarjy naryqtaryndaǵy keiingi táýekelder aktsiia naryǵyn da ainalyp ótpedi. Jumada Eurostox 50 aktsiialarynyń eýropalyq indeksi 4,8%-ǵa, Nikkei japon indeksi 2,5%-ǵa quldyrady, S&P 500 Amerika indeksi 2,3%-ǵa tómendep jabyldy.
Joǵary qubylmalylyq jáne koronavirýstyń jańa shtamymen bailanysty táýekelder AQSh dollaryny men basqa qorǵanysh valiýtalarynyń odan ári nyǵaiýyn qoldaidy. Elimizdiń negizgi saýda áriptesi Resei rýbliniń baǵamy jumanyń qorytyndysy boiynsha, munai baǵasynyń quldyraýy men Ýkraina tóńiregindegi geosaiasi belgisizdiktiń ósýi saldarynan bir dollar úshin 74,6 rýblden 75,6 rýblge deiin 1,2%-ǵa álsiredi. Jalpy alǵanda, qarashanyń basynan bastap damýshy elderdiń valiýta indeksi 4,6%-ǵa tómendedi, al AQSh dollarynyń DXY indeksi damyǵan elderdiń valiýtalaryna qaraǵanda 2,1%-ǵa nyǵaidy.
Búgingi kúni Aziia sessiiasynda Moderna men Pfizer farmatsevtikalyq kompaniialarynyń vaktsinalaryn qysqa merzimde jańa shtamǵa beiimdeý múmkindigi týraly málimdemeleri aiasynda birshama túzetilý baiqalady. Máselen, Brent surypty munai baǵasy bir barrel úshin 74,96 dollarǵa deiin 3,08%-ǵa ósýmen ashyldy.
Syrtqy naryqtardaǵy keleńsizdikter men munai baǵasynyń quldyraýyna jaýap retinde búgin teńge bir dollar úshin 433,50 teńgege deiin nemese jumadan bastap 0,4%-ǵa álsirei otyryp ashyldy.
Munaidyń budan keiingi serpini kóbine 2 jeltoqsanǵa josparlanǵan aldaǵy OPEK+ kezdesýine bailanysty bolady, oǵan sarapshylar Covid-19 jańa shtamy taralýynyń yqtimal teris áserin baǵalaýy kerek. Eger óndirý qarqynyn toqtata turý týraly sheshim qabyldanatyn bolsa, onda bul munaidyń baǵasyna jáne eksporttaýshy elderdiń valiýtalaryna qoldaý kórsetedi.
Jańa shtamm ainalasyndaǵy belgisizdik shtamnyń juqpalylyq, ólim-jitimge ákelý deńgeiin jáne eń bastysy, osy shtamǵa qarsy vaktsinalardyń tiimdiligin anyqtaýǵa tiis resmi testileý nátijeleri paida bolǵanǵa deiin saqtalady dep sanaimyz.
