Qaraǵandy meditsina ýniversitetiniń prorektory, QR DSM shtattan tys infektsionisi Baqyt Kósherova «Koronavirýstyń úndi shtamy simptomsyz formada ótýi múmkin be?» degen suraqqa jaýap berdi, dep habarlaidy QazAqparat.
Densaýlyq saqtaý ministrliginiń málimetinshe, koronavirýspen simptomsyz aýyratyndar sany jalpy jaǵdailardyń 30%-yn alady.
«Koronavirýspen aýyrýdyń 30%-y jalpy simptomsyz túrde júredi. Qazirgi jaǵdaida kóptegen aimaqtarda delta (úndi) shtamy bolýy múmkin dep aityp otyrmyz. Búginde koronavirýstyń simptomsyz túri emdelmeidi, naýqastar tek 14 kún boiy meditsinalyq baqylaýda bolady», - dep jaýap berdi Baqyt Kósherova Ortalyq kommýnikatsiialar qyzmetinde ótken baspasóz máslihatynda.
Sondai-aq, dáriger virýstyń jańa shtamdaryn anyqtaýdaǵy vaktsinalaýdyń mańyzdylyǵyn atap ótti.
«Biz qazir úndi shtamy bar naýqastardy jii tirkei bastadyq, bul aýrýdyń erekshelikterin bilemiz. Ásirese, vaktsina almaǵan adamdarda aýyrlaý ótetin kórip otyrmyz. Vaktsinany ýaqytyly saldyrý óte mańyzdy. Iá, vaktsina alǵandar da aýrý juqtyrýy múmkin. Eń bastysy, aýrý jeńil túrde ótedi. Naýqas ottegige muqtaj bolmaidy – bul óte mańyzdy», - dep túsindirdi dáriger.
