Siangan arnaiy ákimshilik aýdanynyń (SAÁA, Gonkong) barlyq mektebi koronavirýstyń tórtinshi tolqyny saldarynan sársenbiden bastap Rojdestvo merekesi aiaqtalǵanǵa deiin jabylady, dep habarlaidy "Ult aqparat" SCMP -ge silteme jasap.
Gonkong ákimshiliginiń basshysy Kerri Lamnyń aitýynsha, jaqyn arada barlyq memlekettik qyzmetshilerdi qashyqtan jumys isteýge kóshirý josparlanýda. Áleýmettik qashyqtyq erejelerin saqtamaǵany úshin jergilikti turǵyndarǵa jaza qataitylýy múmkin.
Áleýmettik qashyqtyq erejelerin buzǵan adamdarǵa eki myń Gonkong dollary (shamamen 258AQSh dollary) mólsherinde aiyppul salynýy múmkin.
Sonymen qatar, qarttar men múgedekterge arnalǵan internat-úilerdiń barlyq qyzmetkerleri eki apta ishinde mindetti túrde koronavirýs testileýinen ótedi.
Eske sala keteiik, Gonkongta epidemiia bastalǵannan beri barlyǵy aýrýǵa shaldyǵýdyń 6238 rastalǵan jaǵdaiy jáne koronavirýsqa bailanysty 109 ólim tirkeldi.
