Almatylyqtarǵa koronavirýs infektsiiasynan soń densaýlyqty qalai qalpyna keltirýge bolatyndyǵy aityldy, dep habarlaidy QazAqparat.
Sheteldik jáne otandyq epidemiologtar COVID-19 ishki aǵzalarǵa áser etetinin jáne aýrý emdelgennen keiin de saqtalatynyn aitady.
Almatydaǵy №8 emhananyń bas dárigeri Farida Aǵybaeva koronavirýs juqtyrǵan naýqastarǵa aqyl-keńes berdi.
Koronavirýstan keiin ońaltý aýrýdyń dárejesine qaramastan emdelgenderdiń bárine qajet. Koronavirýs pnevmoniiasynyń ortasha jáne aýyr túrimen aýyrǵan patsientterge keshendi ońaltý mindetti túrde qajet.
«Statsionardan shyqqannan keiin aýrýdyń ortasha nemese aýyr túrimen aýyrǵan naýqastardy meditsinalyq baqylaý úide emhana dárigeriniń baqylaýymen jalǵasady. Emdeýdiń jalpy jaǵdaiyna bailanysty baqylaý kezeńi jeke anyqtalady», - dedi F. Aǵybaeva.
Kórsetkishter boiynsha psihologiialyq jáne respiratorlyq ońaltý ambýlatoriialyq jaǵdaida nemese mamandandyrylǵan aýrýhanada júrgiziledi. QR Densaýlyq saqtaý ministrliginiń 10.02.2020 j. №98 buiryǵyna sáikes aýyr jáne hali aýyr naýqastarǵa, qarttarǵa, semizdikke shaldyqqan naýqastarǵa, júkti áielderge, qatar júretin patologiiasy bar patsientterdi jeke ońaltý jospary jasalady.
F. Aǵybaevanyń aitýynsha, ońaltý ádisteri olardyń maqsattaryna bailanysty. Sizge tynys alý dinamikasyn jaqsartý, mazasyzdyq pen depressiia belgilerin joiý jáne basqalar qajet bolýy múmkin.
Osy maqsattarǵa bailanysty ońaltý ádisteri qoldanylady. Mysaly, naýqas emdik, tynys alý gimnastikasymen emdeledi, naýqastyń ornalasýy – qalybynyń ózgerýi.
«Pozitsiialyq em tynys alý, jeldetý, perfýziia jáne drenaj fýnktsiialaryn jaqsartý úshin qoldanylady. Sondai-aq, tirek-qimyl apparaty men trombozdyń aldyn alýdy jaqsartady. Úshinshisi – respiratorlyq ońaltý, ol klinikalyq kórinisterge sáikes tynys alýdy qalpyna keltiredi, onyń ishinde drenajdyq fýnktsiiany jaqsartý úshin fizioterapiialyq ádisterdi qoldanylady», - dedi klinikanyń bas dárigeri.
Ol kovidtan keiingi ońaltý ádisteriniń naqty sipattamasyn jete túsindirdi.
Sonymen qatar, psihologiialyq ońaltý men qoldaý qajet, ómir saltyn túzetý, teńdestirilgen tamaqtaný jáne temeki shegýden bas tartý qajet.
Eger dert aýyr ótse ári onda júike, júrek-qan tamyrlary, búirek, baýyr fýnktsiialary buzylýy múmkin. Sondyqtan ár naýqastyń aǵzasyna orai ońaltý jeke tańdalady.
