QR Aqparat jáne qoǵamdyq damý ministri Aida Balaeva koronavirýs indetiniń taralýy tyiylmai otyrǵandyqtan, qazaqstandyqtardy sanitarlyq talapty qatań saqtaýǵa shaqyrdy, dep habarlaidy "Ult aqparat".
«Búkil álemde sekildi bizdiń elimizde de koronavirýs indetinen bolǵan ólim-jitim kórsetkishi kúnnen-kúnge ósip keledi. Osy oraida, kókiregi oiaý, sanaly degen kópshilik adamdardyń qarapaiym qaýipsizdik erejelerin saqtamaýy qynjyltady. Sondyqtan da ózimizdiń jáne jaqyn týystarymyzdyń densaýlyǵy úshin árqaisylaryńyzdy sanitarlyq normalardy qatań saqtaýǵa shaqyramyn. Dál qazirgi tańda barshamyzdyń ómirimiz osyǵan bailanysty bolyp otyr», - dep jazdy ministr Facebook-tegi paraqshasynda.
Aita keteiik, búginge deiin 12 859 adamǵa koronavirýs diagnozy qoiyldy, onyń ishinde jazylǵandar sany - 7737. 56 naýqas qaitys boldy.
