Jańa jyl qarsańynda elordadaǵy gipermarketter men sýpermarketter táýlik boiy jumys isteýi múmkin.
Bul týraly Nur-Sultan qalasynyń ákimi Altai Kólginov aitty, dep habarlaidy QazAqparat.
«Jańa jyl qarsańynda kóptegen adamdardyń saýda ortalyqtaryna baratyny belgili. Munda halyqtyń kóp jinalýyna jol bermeý úshin iri gipermarketter men sýpermarketterdi táýlik boiy jumys isteýin qarastyryp otyrmyz. Sonda adamdar saǵat 20:00-ge deiin taýar alyp úlgerýge asyqpaidy. Bul máseleni qazir talqylap jatyrmyz jáne jaqyn arada naqty sheshimdi jariialaimyz», - dedi ákim Ortalyq kommýnikatsiialar qyzmetinde ótken brifingte.
Onyń aitýynsha, bul másele sanitarlyq dárigerlermen jáne saýda ortalyqtarynyń basshylarymen birge talqylanady. Sonymen birge, ákim mereke kúnderi qalanyń jabylýy múmkin be degen suraqqa jaýap berdi.
«Qalany jabý esh josparlanyp otyrǵan joq. Biraq koronavirýs juqtyrý oqiǵalary kóbeise, qosymsha karantin sharalar bolýy múmkin. Asa saq bolyp, sanitarlyq normalardy saqtaý qajet. Sonda ǵana esh shekteý sharalary bolmaidy», - dedi A. Kólginov.
