Koronavirýstan qaitys bolǵan adamdar kez kelgen ziratta jerlene beredi. Bul týraly QR DSM Taýarlar men kórsetiletin qyzmetterdiń sapasyn jáne qaýipsizdigin baqylaý komitetiniń bas sarapshysy Janat Jamalbekova aitty, dep habarlaidy "Ult aqparat".
«Adamnyń koronavirýstan qaitys bolǵany zerthanalyq zertteýler arqyly anyqtalǵan bolsa, onda múrdeni týystaryna jerleýge bermeimiz. Múrdeni patologiialyq-anatomiialyq soiý jumystary júrgizilmeidi. Múrdehanadan tikelei zirat basyna aparyp jerleýge beremiz. Osyndai talap bar. Bul rette múrdeni jerleý úshin basqa zirat qajet emes. Qazirgi qala ishindegi nemese aýyl shetindegi zirattarǵa jerlei berýge bolady», - dedi ol.
Degenmen, onyń aitýynsha, jerleý rásimderinde sanitarlyq-epidemiologiialyq talaptar, biologiialyq qaýipsizdik máseleleri saqtalýy tiis.
«Janazaǵa tek jaqyn týǵan-týystarynyń bolǵany durys. Olar janaza kezinde 1-2 metr ara qashyqtyq saqtap, meditsinalyq maska taqqandary jón. Máiitti de tek múrdehanada ǵana jýyndyrý kerek. Jerleý rásimine qatysatyn adamdar virýstan qorǵaityn qorǵanys quraldaryn qoldanýy qajet», - dedi Janat Jamalbekova.
Aita keteiik, qazirgi ýaqytta elimizde 10 naýqas koronavirýs indetinen kóz jumdy.
