Nur-Sultanda koronavirýstan kóz jumǵan patsient dáriger bolyp istegen.
Bul aqparatty astananyń qoǵamdyq densaýlyq saqtaý basqarmasy rastady, dep habarlaidy Sputnik Qazaqstan.
"Iá, bul ras. 1958 jyly týǵan dáriger qaitys boldy. Ol jekemenshik meditsina uiymynda qyzmet etken. Zeinetke shyqsa da, jumys istep júrgen edi", - dep málimdedi basqarmadan.
Marqumǵa qatysty basqa aqparat ázirge habarlanbai otyr. Saǵat 15.00-de elordanyń qoǵamdyq densaýlyq saqtaý basqarmasynyń basshysy Sáýle Qisyqovanyń brifingi ótedi.
Buǵan deiin 13 mamyrda astanada indetke shaldyqqan eki naýqas kóz jumǵany habarlanǵan edi: 1958 jylǵy áiel jáne 1977 jylǵy er adam.
Qazaqstanda koronavirýs barlyǵy 34 adamnyń ómirin qidy.
