Koronavirýs infektsiiasy diagnozy qoiylǵan Ǵumyrbek Maninov 25 maýsym kúni aýyr jaǵdaida aýrýhanaǵa túsken. Onyń aitýynsha, ajalymen betpe-bet kezdesýine bir-aq qadam qalǵan. Dárigerlerdiń ýaqytyly kórsetken kómegi arqasynda ol dertinen aiyqqan. Ol ajalyna arasha bolǵan Nur-Sultan qalasyndaǵy «Ulttyq ǵylymi meditsinalyq ortalyq» AQ dárigerlerine alǵys aitty, dep habarlaidy QazAqparat.
«Meni ólim aýzynan bir-aq kún alystatyp turǵan eken. Bul týraly Nur-Sultan qalasyndaǵy Ulttyq ǵylymi meditsinalyq ortalyqtaǵy hirýrgiia bóliminiń úshinshi palatasynda, úige shyǵatyn ýaqytta bildim. Ýaqytyly meditsinalyq kómek almaǵan jaǵdaida osy jazǵanymdy emes, men týraly qaraly habardy oqityn edińizder.
Men - Ǵumyrbek Maminov 2020 jyly 25 maýsymda koronavirýs infektsiiasy diagnozymen aýyr jaǵdaida aýrýhanaǵa tústim. Jas ári talantty, úlken árippen jazylatyn jáne úlken júrekti kásibi maman, keýde bóligi hirýrgiiasy dárigerleri - Jaqsylyq Jieshev, Almaz Amanǵaliev, ginekologiia bóliminiń aǵa ordinatory Ásel Isenova jáne hirýrgiia bóliminiń meńgerýshisi Ánýar Ábdikárimov meniń ómirimdi qutqaryp qaldy», - deidi Ǵumyrbek Maninov.
Ol óz isine adal dárigerlerdiń eńbegi orasan zor ekenin aitty.
«Olar Gippokrat anty men óz isine adal, erekshe jandar jáne beibit ómirdiń batyrlary. Uly Avitsena dál osyndai dárigerler týraly «Dárigerde qyrannyń qyraǵylyǵy, arýdyń qolyndai názik qoly, jylannyń danalyǵy, arystannyń júregi bolýy kerek» dep aitqan.
Jaqsylyq Jieshev, Almaz Amangeldiev, Ásel Isenova, Ánýar Ábdikárimovke kásibiligi, shydamdylyq jáne qamqorlyǵy, adamdarǵa degen qurmeti jáne ómirge degen senimi úshin shyn júrekten alǵys aitamyn. Meni ajaldan arashalap, el qataryna qosqandaryńyz úshin rahmet!
Nur-Sultan qalasyndaǵy Ulttyq ǵylymi meditsinalyq ortalyqtyń hirýrgiia bólimindegi meditsina qyzmetkerleriniń bárine zor alǵys aitamyn», - deidi ol.
Onyń aitýynsha, osy qiyn-qystaý kezde dárigerler aldyńǵy qatarda ajalmen arpalysyp, dárigerdik mindetin kásibi túrde oryndap, naýqastardyń ómirin qutqarýda.
«Meditsina qyzmetkerlerine basymdy iip, alǵys aitam. Osyndai qiyn kezeńde sizder soǵystyń aldyńǵy shebinde júrgendei kúresip, otbasymyzdy, balalarymyz, jalpy ultty saqtap qalýǵa bar kúshterińizdi salýdasyzdar! Óz mindetin minsiz oryndap, táýlik boiy koronavirýs infektsiiasymen kúresip, kún saiyn adam janyn qutqaryp jatqan dárigerler qaýymyna aitar alǵysym sheksiz. Bárińizdiń denderińiz saý bolyp, aman bolyńyzdar! Ózderińizge janashyr bolyńyzdar. Biz ólmeimiz, ómir súremiz, - deidi koronavirýs infektsiiasynan aiyqqan naýqas.
