16 sáýir kúni Qazaqstanda 22 Covid ólimi tirkelgen. Koronavirýs qaitys bolǵandardyń jiyrmasynan PTR ádisimen anyqtalǵan (KVI+). Ekeýinde PTR ádisimen rastalmaǵan, biraq aýrý belgileri boiynsha koronavirýsqa uqsaityn pnevmoniia (KVI-) diagnozy qoiylǵan.
KVI+ boiynsha qaitys bolǵandardyń jalpy sany 3384-ke jetip otyr. Bul statistikaǵa koronavirýs juqtyrǵany rastalǵan, biraq "ózge aýrýdan qaitys boldy" degender kirmeidi. Densaýlyq saqtaý ministrligi bul derekti júieli túrde jariialamaidy, tek jýrnalister saýal joldaǵanda ǵana jaýap beredi.
Qazaqstan úkimeti 2020 jylǵy 1 tamyzdan bastap virýs juqtyrǵany PTR ádisimen rastalmaǵan Covid naýqastaryn (kovidtektes pnevmoniia nemese KVI-) da tirkep otyr. Sodan beri kovidtektes pnevmoniia diagnozy qoiylǵan 750 adam qaitys bolǵan.
Ulttyq statistika biýrosynyń málimetinshe, byltyr barlyǵy 162 myń adam qaitys bolǵan. Bul aldyńǵy jylǵy kórsetkishten 30 myńǵa kóp.
