16 سەۋٸر كٷنٸ قازاقستاندا 22 Covid ٶلٸمٸ تٸركەلگەن. كوروناۆيرۋس قايتىس بولعانداردىڭ جيىرماسىنان پتر ەدٸسٸمەن انىقتالعان (كۆي+). ەكەۋٸندە پتر ەدٸسٸمەن راستالماعان, بٸراق اۋرۋ بەلگٸلەرٸ بويىنشا كوروناۆيرۋسقا ۇقسايتىن پنەۆمونييا (كۆي-) دياگنوزى قويىلعان.
كۆي+ بويىنشا قايتىس بولعانداردىڭ جالپى سانى 3384-كە جەتٸپ وتىر. بۇل ستاتيستيكاعا كوروناۆيرۋس جۇقتىرعانى راستالعان, بٸراق "ٶزگە اۋرۋدان قايتىس بولدى" دەگەندەر كٸرمەيدٸ. دەنساۋلىق ساقتاۋ مينيسترلٸگٸ بۇل دەرەكتٸ جٷيەلٸ تٷردە جارييالامايدى, تەك جۋرناليستەر ساۋال جولداعاندا عانا جاۋاپ بەرەدٸ.
قازاقستان ٷكٸمەتٸ 2020 جىلعى 1 تامىزدان باستاپ ۆيرۋس جۇقتىرعانى پتر ەدٸسٸمەن راستالماعان Covid ناۋقاستارىن (كوۆيدتەكتەس پنەۆمونييا نەمەسە كۆي-) دا تٸركەپ وتىر. سودان بەرٸ كوۆيدتەكتەس پنەۆمونييا دياگنوزى قويىلعان 750 ادام قايتىس بولعان.
ۇلتتىق ستاتيستيكا بيۋروسىنىڭ مەلٸمەتٸنشە, بىلتىر بارلىعى 162 مىڭ ادام قايتىس بولعان. بۇل الدىڭعى جىلعى كٶرسەتكٸشتەن 30 مىڭعا كٶپ.
